മദ്യ ഉൽപ്പാദനത്തിൽ കേരളം സാദ്ധ്യതകൾ കണ്ടെത്തി അതുപയോഗിച്ചു വളരേണ്ടത് എങ്ങനെ , എന്ത് കൊണ്ട് ? - ദീപക്ക് രാജ്

Avatar
Deepak Raj | 20-06-2020

ലോകത്തു ഏറ്റവും അധികം മദ്യം ഉൽപ്പാദിപ്പിക്കുന്നതും ഉപയോഗിക്കുന്നതുമായ രാജ്യമാണ് ഇന്ത്യയെങ്കിലും ലോകനിലവാരത്തിലുള്ള മദ്യം ഉണ്ടാക്കുന്നതിൽ ശ്രീലങ്കയേക്കാളും പിന്നിലാണ് നാം . പൊതുവേ ഇന്ത്യൻ വിസ്കിയെപ്പറ്റി പറയുന്ന കമന്റ് കുതിരയുടെ കുളമ്പ് കഴുകാൻ മാത്രമെ ഇന്ത്യൻ വിസ്കി കൊള്ളാവൂ എന്നാണു .ഇതിന്റെ പിന്നാമ്പുറക്കഥ തേടുകയാണ് ഈ പോസ്റ്റിന്റെ ലക്‌ഷ്യം .

kerala drinks

ഒന്നാമത് മാന്യമായി കുടിക്കാൻ നമുക്ക് അറിയില്ലാ എന്നതുകൊണ്ട് തന്നെ മദ്യപാന രീതി ( ഡ്രിങ്കിങ് ഏറ്റിക്കേറ്റ് - drinking etiquette ) ഇല്ലാത്തതു കൊണ്ട് തന്നെ ഉയർന്ന ആൽക്കഹോൾ ഉള്ള വിസ്കി വിൽക്കാൻ നിയമം മൂലം നിയന്ത്രണം ഉണ്ട് . അതുകൊണ്ടു തന്നെഅതുകൊണ്ടു തന്നെ വെളളം ചേർക്കാത്ത വിസ്കി (proper casked strength ))നമുക്കു മാർക്കറ്റിൽ ലഭ്യമല്ല . അടിച്ചു പാമ്പാവാൻ മാത്രം കുടിക്കുന്നവരുടെ എണ്ണം കൂടുതൽ ഉള്ളതുകൊണ്ട് രുചിയുടെ കാര്യത്തിൽ കമ്പനികൾ ശ്രദ്ധിക്കാറും ഇല്ല . വിസ്കി എങ്ങനെ ആവണം എന്ന് എല്ലാ രാജ്യത്തും നിയമം ഉള്ളപ്പോൾ നമുക്ക് അങ്ങനെ ഉള്ള സ്റ്റാൻഡേർഡ് ഇല്ല താനും . വിസ്കി ധാന്യങ്ങളിൽ നിന്ന് ഉണ്ടാക്കണം എന്ന നിബന്ധന വിദേശത്തുള്ളപ്പോൾ 90% റം ചേർത്ത് ഏജ് ചെയ്യാത്ത സ്പിരിറ്റ് കളറും ഫ്ലേവറും മിക്സ് ചെയ്തു വിൽക്കാനും തടസ്സമില്ല . മോഹൻമേക്കിങ്ങും , യൂബിയും , ഷാവലസും , ഒക്കെ കുതിരയുടെ ലാടം കഴുകാൻ കൊള്ളാവുന്ന വിസ്കി വിറ്റു കോടികൾ ഉണ്ടാക്കി .

ഇതിനു ഒരു അറുതി വന്നത് അമൃത് ഡിസ്റ്റ്‌ലറിയും മലയാളിക്കു അഭിമാനമായ പോൾജോൺ ഡിസ്റ്റിലറിയും ആണ് . റാഡിക്കോ ഖൈത്താൻ രാംപൂർ വിസ്കി ഉണ്ടാക്കിയെങ്കിലും ഖൈത്താന്റെ വിസ്‌കിക്ക് വില കൂടുതലും എന്നാൽ ഒരു വേറിട്ട രുചിയോ പ്രത്യേകതയോ ഇല്ലാത്തതിനാൽ മാർക്കറ്റിൽ നിലവാരം ഉണ്ടെന്നു അംഗീകാരം നേടാൻ ആയെങ്കിലും പോൾജോൺ , അമൃത് പോലെ ആളുകളുടെ ബഹുമാനം നേടാൻ ആയില്ല . അമൃതും പോൾജോണും ലോക മാർക്കറ്റിൽ ഇന്ത്യൻ വിസ്‌കിക്ക് ഒരു വിലയും നിലയും നേടിക്കൊടുത്തെന്നു മാത്രമല്ല സെക്കണ്ടറി മാർക്കറ്റിൽ ജാപ്പനീസ് വിസ്കി പോലെ വിലയും നിലനിർത്തി . എന്നാൽ അമൃത് ഉണ്ടാക്കുന്ന ബാംഗ്ളൂരിലും പോൾജോൺ ഉണ്ടാക്കുന്ന ഗോവയിലും കാലാവസ്ഥ കാരണം വീപ്പയിൽ നിന്നുളള ബാഷ്പീകരണം ( ഏയ്ഞ്ചൽ ഷെയർ ) യൂറോപ്പിനെ അപേക്ഷിച്ചു മൂന്നിരട്ടി ആണ് . അതുകൊണ്ടു സെക്കണ്ടറി മാർക്കറ്റിൽ പൊന്നു വിലകിട്ടുന്ന 18,20,25 മുതൽ മേൽപ്പോട്ടു പ്രായം ഉള്ള വിസ്കി ഉണ്ടാക്കുക ഏകദേശം അസാധ്യം ആണ് .. അവിടെ ആണ് കേരളത്തിന്റെ സാധ്യത


മല്ലുകഫെ ആർട്ടിക്കിളുകൾ വാട്ട്സാപ്പിലും / ടെലഗ്രാം ചാനലിലും / ഫേസ്‌ബുക്ക് പേജിലും / ട്വിറ്ററിലും / ന്യുസ് ലെറ്ററായും / 🔔 നോട്ടിഫിക്കേഷനായും ലഭ്യമാണ്. സബ്‌സ്‌ക്രൈബ് ചെയ്യാം .

ഇനി ഒരു കമ്പനി മൂന്നാറിൽ തുടങ്ങിയെന്നു കരുതുക .മറ്റു മൂന്നു വിസ്കി കമ്പനികൾക്കും കിട്ടാത്ത ഒരു ഭാഗ്യം കൂടി മൂന്നാറിനുണ്ട് . അതാണ്‌ കാലാവസ്ഥയും സ്ഥലത്തിന്റെ സ്വഭാവവും . ഇരുപത്തിഅഞ്ചോ അതിൽ താഴെമാത്രമോ ഡിഗ്രി സെൽഷ്യസ് അന്തരീക്ഷ ഊഷ്മാവുള്ള മൂന്നാർ - ഹൈ റേഞ്ച് ഇടങ്ങളിൽ മഞ്ഞും നനവും ഉള്ളതുകൊണ്ട് ഇന്ത്യൻ വിസ്കി ഉൽപ്പാദകരുടെ പേടി സ്വപ്നമായ ഏയ്ഞ്ചൽ ഷെയർ മൂന്നാറിൽ വളരെ കുറവായിരിക്കും . സാധാരണ ഇത് ഇന്ത്യയിൽ സ്കോച്ച് ഉൽപ്പാദനത്തിന്റെ മൂന്നിരട്ടി ആണ് . അതേപോലെ കേരളത്തിലെ ശുദ്ധമായ വായു - വിസ്കി നേർപ്പിക്കാൻ ആവശ്യമായ ശുദ്ധമായ വെളളം ഇതെല്ലാം ധാരാളം കിട്ടുന്ന ഇടമാണ് മൂന്നാർ ഹൈറേൻജ് ഏരിയ .അതോടൊപ്പം കൊച്ചിൻ പോർട്ട് കേവലം നൂറ്റമ്പതു കിലോമീറ്ററിൽ താഴെ മാത്രമാണ് . അതുകൂടാതെ വിദ്യാഭ്യാസമുള്ള ജോലിക്കാർ വേണമെങ്കിൽ മറ്റു സംസ്ഥാനങ്ങളെ ആശ്രയിക്കേണ്ട ആവശ്യവുമില്ല ...

അതേപോലെ അദ്യം പറഞ്ഞ വിസ്കി ഡ്രിങ്കിങ് രീതി മലയാളികളെ പഠിപ്പിക്കുക എളുപ്പമാണ് . വിദേശ ബ്രാൻഡുകൾ മലയാളികളെ പോലെ മറ്റുള്ളവർ കണ്ടിട്ടില്ല . മദ്യത്തിന് കാശ് കളയാനും മലയാളിക്ക് മടിയില്ല .മലയാളിയുടെ ദേശീയ പാനീയം മദ്യം ആയതിനാൽ മദ്യത്തിന് നഷ്ട സാധ്യത കുറവാണു . സർക്കാർ ഒന്ന് കണ്ണടച്ചാൽ കനിവ് കാട്ടിയാൽ കേരളം ഹൈറേഞ്ച് സിംഗിൾ മാൾട്ട് മാർക്കറ്റിൽ ഇറക്കാം . അതേപോലെ കേരളം സ്‌പൈസ് ഉൽപ്പാദകരുടെ നാടായതു കൊണ്ട് സ്‌പൈസ് റം , സ്‌പൈസ് ജിൻ ഒക്കെ ഉണ്ടാക്കാൻ വളരെ സാധ്യത ഉണ്ട് .

നമ്മൾ നമ്മുടെ സാദ്ധ്യതകൾ കണ്ടെത്തി അതുപയോഗിച്ചു വേണം വളരാൻ . ഇനി ഗൾഫ് മാത്രം പ്രതീക്ഷിച്ചു ജീവിക്കാൻ കഴിയില്ലാ ..വ്യവസായങ്ങൾ വന്നേ പറ്റൂ . അതിനായി നമുക്കൊന്നിച്ചു ശ്രമിക്കാം

വായനക്കാരുടെ ചിന്തകൾ ദീപക്ക് രാജ് ന്റെ ഫേസ്‌ബുക്ക് പോസ്റ്റിൽ ചുവടെ നൽകിയിരിക്കുന്ന ലിങ്ക് വഴി പങ്കുവെയ്ക്കുമല്ലോ ..

Read original FB post


Also Read » ആശാൻ പിഴച്ചാൽ ഏത്തമില്ല. തൊടുപുഴയിലെ കരിമണ്ണൂർ ഗ്രാമപഞ്ചായത്തിലുള്ള പന്നൂരിൽ നടന്ന പോഷക മൂല്യമുള്ള ഭക്ഷണ വിതരണം തുറന്നു കാണിക്കുന്നത് കേരള സർക്കാരിന്റെ മൃഗസംരക്ഷണ വകുപ്പിന് കീഴിലുള്ള ജനോപകാരപ്രദമല്ലാത്ത രണ്ട് വെള്ളാന കമ്പനികളെ. എല്ലാവരും തീർച്ചയായും വായിച്ചിരിക്കേണ്ട ഒരു കുറിപ്പ്.


Comment relevant & respectful. Off-topic comments may be removed . അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും . Please read our Comment Policy before commenting.

Latest
Trending
Do NOT follow this link or you wont able to see the site!

US / DB Query : 0 / Total Memory Used : 0.61 MB / This page was generated in 0.0033 seconds.